De frakties hebben disse raodsperiode- vaeke tegere mit ere perti’jen- veul veurstellen (moties en amendementen) indiend. Daornaost is veul tied steuken in kontakt mit de bewoners van oonze gemiente, waordeur wi’j bi’jtieds inzicht kregen in wat d’r leeft in Ooststellingwarf.
Mit twie wethoolders konden we veul plannen tot uutvoering brengen. Daormit kuwwe weerommeblikken op een mooie periode waorin veul berikt is. Beni’jd waor wi’j oons veur inzet hebben? Hieronder een kleine saemenvatting.
- Woningbouw - in veul dörpen bin plannen veur woningbouw ontwikkeld en vaastesteld deur de raod. Daornaost bin d’r stokmennig plannen in veurbereiding. Daorbi’j is in veul grotere maote zorgd veur grune inpassing en speulmeugelikheden.
- Pesticiden - wi’j vraogen hieltied andacht veur de zorgen rondom pesticiden. Mit deur oonze andacht hierveur bin d’r op een peer plakken spuitvri’je zones insteld. Wi’j hebben de diskussie in de Raod hierveur op gang brocht.
- Inklusiviteit - wi’j hebben oons algedurig inzet veur et veurkommen van diskriminaosie en uutsluting van minderheden, LHBTIQA+ en meensken mit een beparking.
- Klimaotdoel 2030 - deur oonze inzet bin d’r plannen maekt die een CO2-neutraole gemiente in 2030 binnen beriek brocht hebben.
- Akkemedaosiebeleid - ter veurbereiding hewwe alle dörpen bezocht om te peilen wat d’r leeft, en hebben daormit veur veul betrokkenhied zorgd bi’j de inwoners.
- In et akkemedaosiebeleid is zorgd veur veurzienings in elk dörp, en behoold van sporthallen, dörpshuzen en zwembaden.
- Pattiecipaosiewet - een protte meensken kun naor meugelikheden bi’jdregen an de maotscheppi’j. Daorbi’j staot de meenselike maot veurop.
- Zwemlessen - op oons veurstel wodt d’r onderzuuk daon om gemeentelike zwemlessen an te bieden, om de kosten van zwemlessen betaelber te maeken.
- Klimaotadaptaosieplan dit is vaastesteld waordeur wi’j oons as gemiente veurbereided hebben op de slim schaelike gevolgen van klimaotveraandering.